Originala titolo: Valentina de Montblanc
Unua publikigo: 2026
Esperanta prilaborado: 2026
DUBLITA
KUN SUBTEKSTOJ
VALENTENA DE BLANKMONTO
2026
•
Animacia serio
•
Katalunio
•
Princino Valentena de Blankmonto vekiĝas meze de la nokto kaj malkovras, ke absoluta silento regas la tutan kastelon. Ĉiuj enloĝantoj, eĉ la reĝo, malaperis de unu momento al alia! Ŝi klopodos solvi la misteron kun la helpo de Georgo de Kapadokio, la kolerema Fingreto kaj la magiisto Ŝtipo (parolpova lignopeco kapabla aperigi ajnan dezirataĵon), renkontante dumvoje plurajn simbolojn kaj estulojn el la kataluna folkloro.
Jen la unua anime-stila serio kreita kaj produktita tute en Katalunio!
dosieraj ecoj
| VERSIOJ | BILDO | SONO | SUBTEKSTOJ | DAŬRO | GRANDO |
| Versio 1 (1080p) | 1920×1080  | Esperanto AAC  | Esperanto (ne-algluitaj) | po 18 minutoj en ĉiu epizodo | po 150-250 MB en ĉiu epizodo |
elŝuti kaj spekti
- Sezono 1
S01E01. La princino kaj Sankta Georgo
Terura fajrelĵeta drako atakas la regnon Blankmonto. Princino Valentena kaj la fama kavaliro Georgo de Kapadokio batalos ŝultro ĉe ŝultro kontraŭ la monstrego por eviti pliajn sangoverŝojn.
S01E02. Koŝmaro en Blankmonto
Ĉiuj kastelanoj kaj vilaĝanoj strange malaperis! Princino Valentena bezonas la helpon de Georgo por solvi la misteron, sed li havas alian taskon plenumendan.
S01E03. La giganto Puĝmalo
Valentena, Georgo kaj Fingreto vojaĝas al la neĝoplenaj montoj por trovi magiiston, kiun la giganto Puĝmalo malliberigis. Sed eble la giganto scias ion pri la kaŭzo de la malaperoj…
S01E04. La akvofeinoj
La kvar herooj persekutas la Koŝmarhundon, sed ili trovas konflikton inter vilaĝanoj kaj akvofeinoj. Ĉu eblos detrui la ambaŭflankajn antaŭjuĝojn kaj rekunigi disigitan paron?
S01E05. La maljunaj sorĉistinoj
La kvaropo eniras en arbaron, kie ĉiam estas aŭtuno. Tie ili renkontos du maljunajn virinojn, kiuj kapablas antaŭvidi la estontecon. Ili havas respondon por ĉiuj demandoj de Valentena.
S01E06. Mallumo
Princino Valentena devas rekte alfronti siajn plej grandajn timojn. Ŝiaj amikoj kaj la loĝantoj de la regno dependas de ŝi, sed ĉu ŝi venkos la Koŝmarhundon kaj la Sakulon?
antaŭfilmoj
tabelo de partoprenintoj
Originala teamo
| REĜISORO | Àlex Roca |
| SCENARO | Míriam Bonastre Tur |
| MUZIKO | Eloi Casellas |
Esperanta teamo
| REĜISORO | Mikaelo Kastro |
| TRADUKINTO | Mikaelo Kastro |
| SONREDAKTINTO | Mikaelo Kastro |
| SENVOĈA VERSIO | Mikaelo Kastro |
| SUBTEKSTARANĜO | Mikaelo Kastro |
Esperantaj dublantoj
| PERSONO | ESPERANTA DUBLANTO |
|---|---|
| Ĉiuj personoj | Mikaelo Kastro (dialogoj home diritaj, poste sanĝitaj per RVC-servo)1 |
- RVC estas speco de AI-a voĉŝanĝilo. Ĉi tio signifas, ke vera homo registris dialogojn kaj poste tiuj registraĵoj estis ŝanĝitaj en aliajn voĉojn, danke al en-komputila servo. ↩︎
Kroma informo
La esperantlingva versio de la serio publikiĝis la 30an de oktobro 2026. La titolkanto estis tradukita en Esperanton.