Via Nomo

---

Micuha estas lernejano, kiu plendas pri la kampara vivo, kiun ŝi havas apud sia fratineto, sia avino kaj sia patro, vilaĝa urbestro kiun ŝi malofte vidas. Ŝi malŝatas la folklorajn vivkutimojn de sia familio kaj revas pri la mirinda urba vivstilo de Tokio.

Aliflanke, Taki estas lernejano loĝanta en Tokio, kiu laboras duontempe en itala restoracio kaj bezonas eskapi el tiu monotoneco.

Unu matenon, Micuha vekiĝas en la korpo de Tokia junulo kaj Taki vekiĝas en la korpo de kampara knabino. Kiu sekreto kaŝiĝas malantaŭ la interŝanĝoj de du homoj, kiuj ne konante sin, ŝajne serĉadas unu la alian?

En Eŭropo ie

---

Ie ĉe la bordo de Danubo, post la Dua Mondmilito, aperas en ĉiu angulo infanoj, viktimoj de teruraj tragedioj. Ili marodas por pluvivi sian senleĝan ekzistadon, timante siajn samulojn same kiel plenkreskulojn… Ili formas specon de bando, kiun estras Longul’, la plej maljuna el la friponoj. Ankaŭ ĉeestas Eva, virino kiu volas eskapi el sia pasitenco, la ekstravaganca «Dando» kaj la ĉarma Kuĉjo.

Vilaĝanoj forpelas ilin per pafiloj, la polico provas kapti ilin. Por eskapi, la grupo de infanoj decidas rifuĝi en duonruina kastelo ŝajne malplena. Tamen, ili malkovras ke ĝi estas loĝata de orkestrodirektisto izolita de la mondo. La muzikisto, komence mistraktita, sukcesas akiri ilian fidon iom post iom.

Sekreto de la tria planedo

---

La 12an de junio 2181, skipo konsistanta el profesoro Seleznjov, ties filineto Alisa kaj kapitano Zeljonij komencas ekspedicion tra la kosmo, serĉante rarajn bestojn por la Moskva Bestoĝardeno.

Malgraŭ tio, ke ilia sola celo estas trovi interesajn estaĵojn en diversaj planedoj, ili estas hazarde implikitaj en komploton de kosmaj piratoj, kiuj postiras specialan birdospecon, kaj volas mortigi eĉ la lastan el ili.